ՀՀ վարչապետի աշխատակազմի ղեկավար Արայիկ Հարությունյանը «Ֆեյսբուք»-ի իր էջում գրառում է կատարել՝ անդրադառնալով Վազգեն (Բագրատ) Գալստանյանի գլխավորած շարժման գործողություններինու հայտարարություններին:
«Սա Գարեգին Բ-ի սանն է…
Էջմիածնական այս հոգևորականը սույն գրառումն արել է վարչապետի հասցեին՝ բռնության ուղիղ կոչ հնչեցնելով: Գարեգին Բ-ն ատելությամբ է լցրել իր շրջապատը:
Հիմա էլ որպես փողոցային շարժման պարագլուխ դուրս է եկել իր էս սպասավորների միջոցով պետականության դեմ: Գետադարձ այլևս չենք ունենալու»:
Հ.Գ. Եթե կաթողիկոս ամենայն հայոցին թվում է, թե Մայր աթոռի հոգևոր խորհրդի կողմից ափալ-թափալ «կողմերին» արված այսօրվա հայտարարությունը նրա վրայից հանում է էս ամենի պատասխանատվությունը, ապա նա չարաչար սխալվում է: Բագրատ Ֆեյքազանն ասել է, որ կաթողիկոսի օրհնությամբ է անում այս խառնակչությունը: Կաթողիկոսը զարմանալիորեն չի հրաժարվել»:
