Մոսկվան ակնկալում է, որ Երեւանի հետ հարաբերություններում գերակայելու է դաշինքն ու գործընկերությունը։
Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Մենք կշարունակենք մեր շփումները հայկական կողմի հետ, ակնկալում ենք, որ մեր հարաբերությունների դաշնակցային բնույթը, գործընկերային բնույթը կգերիշխեն»,- նշել է Կրեմլի ներկայացուցիչը՝ մեկնաբանելով ՀՀ վարչապետ Նիկոլ Փաշինյանի հայտարարությունները ՀԱՊԿ-ի և Բելառուսի վերաբերյալ։
Պեսկովը ձեռնպահ է մնաց ՀՀ վարչապետի՝ յուրաքանչյուր հայտարարության վերաբերյալ հետագա մեկնաբանություններից։
Ավելի վաղ Հայաստանի վարչապետը հայտարարել էր, որ հաջորդ տրամաբանական քայլը ՀԱՊԿ-ի հետ հարաբերություններում լինելու է կազմակերպությունից դուրս գալը։
Նա նաև նշել է, որ ոչ ինքը, ոչ էլ երկրի այլ պաշտոնյաներ չեն այցելի Բելառուս, քանի դեռ այնտեղ նախագահն է Ալեքսանդր Լուկաշենկոն։
Նշենք՝ Լուկաշենկոն մայիսի 15-17-ը պետական այցով եղել է Ադրբեջանում, որի ընթացքում եղել է Լեռնային Ղարաբաղում։ Նա, մասնավորապես, հայտարարել է, որ Մինսկը և Բաքուն «նույն պատկերացում ունեն աշխարհի և այն մասին, թե որտեղ է այն շարժվում», ինչպես նաև առաջարկել է Ադրբեջանի նախագահ Իլհամ Ալիևին աջակցություն Ղարաբաղի հետպատերազմյան վերականգնման գործում։
