88 տարեկան հասակում մահացել է կանադացի դերասան Դոնալդ Սազերլենդը:
Այս մասին սոցցանցի իր էջում հայտնել է դերասանի որդին:
«Ծանր սրտով հայտնում եմ, որ հայրս՝ Դոնալդ Սազերլենդը, մահացել է»,- գրել է Կիֆերը՝ չհայտնելով մահվան պատճառը:
Դերասանը նկարահանվել է բազմաթիվ ֆիլմերում՝ «Կլյուտ», «Կենդանիների տուն», «Սովորական մարդիկ», «Հպարտություն և նախապաշարմունք», «Քաղցած խաղեր» և այլն:
Նա առաջադրվել է «Ոսկե գլոբուս» և «BAFTA» մրցանակների: 2003 թվականին ստացել է «Ոսկե գլոբուս», իսկ 2018 թվականին՝ պատվավոր Օսկար։
