Ռուսական «Պարի Նիժնի Նովգորոդի» 22-ամյա հարձակողական կիսապաշտպան Էդգար Սեւիկյանի նորամուտը Հայաստանի հավաքականում սպասվում է հոկտեմբերին։
«Հայաստանի ֆուտբոլի ֆեդերացիան բանակցել էր Էդգար Սեւիկյանի հետ։ Ֆուտբոլիստը Հայաստանի հավաքականում հանդես գալու ցանկություն եւ պատրաստակամություն էր հայտնել։ Հիմա ՀՖՖ-ի զբաղվում է բոլոր անհրաժեշտ փաստաթղթերի ձեւակերպմամբ, ինչը թույլ կտա Սեւիկյանին խաղալ Հայաստանի ազգային հավաքականում արդեն հոկտեմբերին»,- Sport-express.ru-ին հայտնել են ՀՖՖ մամուլի ծառայությունում։
Էդգար Սեւիկյանն առաջին անգամ հրավեր էր ստացել Ռուսաստանի հավաքականից, սակայն չէր ընդունել այն։
