Համացանցում հայտնվել են Գերմանիայի արտաքին գործերի նախարար Անալենա Բերբոքի՝ Չինաստան ժամանելու կադրերը, որոնցում երևում է, որ Պեկինի օդանավակայանում վայրէջք կատարած ինքնաթիռից իջնող նախարարին ոչ մի պաշտոնյա չի դիմավորում:
Անալենա Բերբոքը չի կարողացել զսպել զարմանքը:
Չինաստան այցի մասին պաշտոնապես չէր հայտարարվել, սակայն հոկտեմբերի սկզբից մամուլում լուրեր էին հայտնվել, որ նա մտադիր է մինչև հոկտեմբերի վերջ այցելել Չինաստան՝ քննարկելու Ուկրաինայի իրավիճակը և մերձավորարևելյան հակամարտությունը:
Դեռևս 2022 թվականին Պեկին կատարած իր առաջին այցի նախօրեին, Բերբոքը Չինաստանի առաջնորդ Սի Ցզինպինին անվանել էր «բռնապետ»։ Պեկինը դժգոհ է նաև ԱՄՆ քաղաքականությանը Բեռլինի միանշանակ աջակցությունից, հատկապես Մերձավոր Արևելքում և Ուկրաինայում։
