Իսրայելական օդուժը ավիահարվածներ է հասցրել Լիբանանի հարավում գտնվող Տիր հնագույն քաղաքին:
Ինչպես հայտնել է Լիբանանի Արտակարգ իրավիճակների կենտրոնը, զոհվել է 7, վիրավորվել՝ 46 խաղաղ բնակիչ:
Ռմբակոծության հետևանքով չորս բազմահարկ շենք հիմնահատակ փլվել է, իսկ մի քանիսը լրջորեն վնասվել են:
Արտակարգ իրավիճակների կենտրոնից հայտնել են նաև, որ փլատակներում հայտնաբերվել են զոհվածների մարմինների հատվածներ: Դրանց պատկանելությունը պարզելու նպատակով կատարվելու են համապատասխան փորձաքննություններ:
Հարվածների վայրում շարունակվում են որոնողական աշխատանքները:
