Ռուսաստանի հետ ընթանում են աշխատանքային հարաբերություններ, ինչպես միշտ բոլոր գործընկերների հետ ունենում ենք տարաձայնություններ, քննարկումներ, բայց չի նշանակում, որ կարելի է դա մեկնաբանել որպես լարվածություն։
ԱԺ-ում լրագրողների հետ ճեպազրույցում հավաստիացրեց ԱԳ փոխնախարար Պարույր Հովհաննիսյանը։
«Տարբեր հարցերի շուրջ աշխատանքային կարգով քննարկումներ են գնում ռուսական կողմի հետ»,- հավելեց նա։
Հարցին՝ ՀԱՊԿ-ից դուրս գալու ծրագիր օրակարգում կա՞, փոխնախարարը պատախանեց, որ մի շարք հարցերի հետ կապված քննադատում են ՀԱՊԿ-ին։
Բայց ԱԳՆ պաշտոնյայի պնդմամբ՝ ՀԱՊԿ-ից դուրս գալու հարց առայժմ օրակարգում չկա։
