Սյունիքի մարզի ընդհանուր իրավասության դատարանը Լեռնային Ղարաբաղի պաշտպանության բանակի նախկին հրամանատար, գեներալ-լեյտենանտ Ջալալ Հարությունյանին դատապարտեց 5 տարի 6 ամիս ժամկետով ազատազրկման։ «Արմենպրես»-ի հաղորդմամբ՝ դատարանը նրան մեղավոր է ճանաչել զինվորական ծառայության նկատմամբ անփույթ վերաբերմունքի համար։ Դատախազությունը պահանջել էր 6 տարվա ազատազրկում, սակայն դատարանը մեղմել է պատժաչափը՝ նշանակելով 5 տարի 6 ամիս ազատազրկում։ Ջալալ Հարությունյանը մեղադրվում էր 2020 թվականի հոկտեմբերի 12-ին իր ծառայողական պարտականությունները ոչ պատշաճ կատարելու մեջ, ինչը, ըստ մեղադրանքի, հանգեցրել է ծանր հետևանքների։ Ըստ քրեական գործի՝ Ադրբեջանի զինված ուժերը հարձակվել են «Ցորի» զորամասի Դ20 դիվիզիոնի վրա, սակայն դիվիզիոնի հրամանատարության կողմից տրված ահազանգին ի պատասխան՝ Հարությունյանը, ըստ գործի նյութերի, հայտնել է, թե մոտեցողները «յուրայիններ» են։ Ջալալ Հարությունյանը չի ընդունում իրեն առաջադրած մեղադրանքը։ Հարությունյանի նկատմամբ որպես խափանման միջոց կիրառվել է բացակայելու արգելքը։ Դատավճիռը կարող է բողոքարկվել օրենքով սահմանված կարգով։
Ջալալ Հարությունյանը դատապարտվել է 5 տարի 6 ամիս ժամկետով ազատազրկման
