Թուրքիայի արտաքին գործերի նախարար Հաքան Ֆիդանը Վաշինգտոնում հանդիպում է ունեցել ԱՄՆ պետքարտուղար Մարկո Ռուբիոյի հետ։
Հանդիպման ընթացքում, ի թիվս այլ հարցերի, քննարկվել է Ադրբեջանի և Հայաստանի միջև խաղաղության գործընթացը:
Ընդգծվել է Գազայում մշտական հրադադարի հաստատման կարևորությունը և այդ հարցի անհրաժեշտությունը տարածաշրջանային խաղաղության համար, ինչպես նաև քննարկվել են Ռուսաստանի և Ուկրաինայի միջև հրադադարի հասնելու ջանքերը։
