ԱՄՆ-ը առաջ է շարժվում Ռուսաստանի հետ Ուկրաինայի հարցով գործարքի շուրջ բանակցություններում։ Այս մասին Fox News-ի եթերում հայտարարել է ԱՄՆ նախագահ Դոնալդ Թրամփի հատուկ բանագնաց Սթիվեն Ուիթքոֆը։
Նա պատասխանել է հարցին, թե վստահ է արդյոք, որ Ռուսաստանի հետ Ուկրաինայի հարցով գործարք է ընթանում:
«Այո, վստահ եմ։ Ես Պուտինի հետ արդեն երեք հանդիպում եմ անցկացրել։ Վերջին հանդիպումը տևել է մոտ հինգ ժամ, և գրասենյակում ներկա են եղել նաև նրա մերձավոր խորհրդականներից երկուսը՝ ՌԴ նախագահի օգնական Յուրի Ուշակովը և Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը։ Կարևոր հանդիպում էր», – պատասխանել է նա:
Ուիթքոֆը հավելել է, որ Սանկտ Պետերբուրգի բանակցություններն իրեն համոզել են, որ «Պուտինը մշտական խաղաղություն է ցանկանում»։
