Ճապոնիայի ոստիկանությունը նոյեմբերին ձերբակալել է ամերիկացի դրամատուրգ և «Էմիլին Փարիզում» սերիալի դերասան Ջերեմի Հարիսին՝ երկիր թմրանյութեր մաքսանենգ ճանապարհով ներմուծելու փորձի կասկածանքով։
Այս մասին հայտնել է The New York Times-ը (NYT)՝ հղում անելով ճապոնական իրավապահ մարմիններին, փոխանցում է ՏԱՍՍ-ը։
Հրատարակության տվյալներով՝ դերասանը ձերբակալվել է նոյեմբերի 16-ին, այն բանից հետո, երբ Նահա օդանավակայանի մաքսային աշխատակիցները նրա պայուսակում էքստազի են հայտնաբերել։
Թերթը նշում է, որ Հարիսին մեղադրանք առաջադրելու դեպքում կարող է սպառնալ մինչև յոթ տարվա ազատազրկում։
