Գիտնականների միջազգային թիմը նկարագրել է Լուսնի վրա անցանելի ճանապարհներ կառուցելու մեթոդ: Հետազոտությունը հրապարակվել է Scientific Reports ամսագրում։
Փորձագետները նշել են, որ լուսնային հողը պիտանի չէ դրա վրա տրանսպորտային միջոցներով տեղաշարժվելու համար: Գիտնականներն առաջարկել են հողը լազերով այրել՝ այն պինդ նյութի վերածելու և ճանապարհներ կառուցելու համար:
Հետազոտության մեջ ասվում է, որ Երկրի բնական արբանյակի վրա ցածր ձգողականության պատճառով լուսնային փոշին կարող է բարձրանալ և հայտնվել մեխանիզմների ներսում։ Գիտնականները պատրաստվում են օգտագործել 45 միլիմետր չափի լազերային ճառագայթ, որով հնարավոր կլինի այրել հողն ու ստեղծել մոտ 250 միլիմետր չափի խոռոչ ֆիգուրներ։
Փորձագետներն առաջարկել են նման «աղյուսներից» կառուցել ճանապարհներ։ Պահանջվող չափի ճառագայթ ստանալու համար անհրաժեշտ կլինի Լուսին հասցնել 2,37 քմ մակերեսով ոսպնյակ։ Այնուհետեւ այն կարող է օգտագործվել արևի լույս հավաքելու համար:
Սեպտեմբերի վերջին հայտնի դարձավ, որ ռուս մասնագետները, աշխատելով ավստրիացի և ճապոնացի գործընկերների հետ, ստեղծել են Արեգակից էներգիա ստանալու նոր մեթոդ։ Տեխնոլոգիան թույլ կտա քիմիական ռեակցիաներ իրականացնել ուլտրամանուշակագույն ճառագայթման ազդեցության տակ, որը, ի վերջո, կարող է օգտագործվել էներգիա ստեղծելու համար։
