«Հրապարակ»-ի տեղեկություններով Ճամբարակ-Վարդենիս ավտոճանապարհին խոշոր ավտովթար է տեղի ունեցել՝ բախվել են 2 ավտոմեքենա, որոնցից մեկը բռնկվել է․ կան տուժածներ։
Ըստ աղբյուրի՝ բախվել են «Ֆորդ Տրանզիտ» եւ «Տոյոտա Քեմրի» մակնիշի ավտոմեքենաները, ինչից Տոյոտա մակնիշի ավտոմեքենան բռնկվել է։ Նախնական տվյալներով հիվանդանոց տեղափոխված 4 տուժածներից մի տղամարդ մահացել է:
Դեպքի վայր մեկնած ՀՀ ՆԳ փրկարար ծառայության հրշեջ-փրկարարները հրդեհը մեկուսացրել են:
