Երեկ՝ նոյեմբերի 20-ին, հրդեհ է տեղի ունեցել Կոտայքի մարզում: Ժամը 13:00-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Գեղի գյուղի 18-րդ փողոցի մանկապարտեզի մոտակայքում գտնվող տներից մեկում հրդեհ է բռնկվել:
Ինչպես հայտնում ֆոտոլրագրող Գագիկ Շամշյանը, դեպքի վայր են մեկնել ՓԾ Աբովյանի թիվ 45 հրշեջ փրկարարական ջոկատից՝ 2 մարտական հաշվարկ:
Օպերատիվորեն ժամանել են նաև ՀՀ ՆԳՆ ոստիկանության Պարեկային ծառայության Կոտայքի մարզի գումարտակի 2-րդ վաշտի 1-ին դասակի պարեկները՝ գումարտակի ծառայության ավագ տեսուչ Արտակ Ասատրյանի, վաշտի հրամանատար Դավիթ Հովհաննիսյանի և դասակի հրամանատար Արմեն Ավետիսյանի գլխավորությամբ:
Ըստ նախնական տեղեկությունների՝ հրդեհի հետևանքով, բարեբախտաբար, տուժածներ չկան: Պարզվել է, որ հրդեհը բռնկվել է նշված փողոցի թիվ 32 տանը կից խորդանոցում:
Լուսանկարները՝ Գևորգ Ղազարյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2023/11/21/1250565?fbclid=IwAR1HeINXcEZIt0LwqTHEeJeLM-kJYY70Gtt5WRrChcD6dbjAfffbjgjQ1Oc
