Ձեր ուշադրությանն ենք ներկայացնում աշնանային ոսկեգույն դդմով կարկանդակ։ Պատրաստվում է շատ պարզ և արագ՝ առանց ձվի և կաթնամթերքի օգտագործման։ Պատրաստման ժամանակը` 60 րոպե:
Բաղադրիչները
• Դդում (մաքրած)` 500 գ
• Բուսական յուղ (առանց հոտի)` 160 գ
• Շաքարավազ՝ 200 գ
• Ընկույզ՝ 60 գ
• Եգիպտացորենի օսլա` 2 ճ.գ. լ.
• Ջուր` 4 ճ.գ.
• Ցորենի ալյուր՝ 400 գ
• Աղ՝ 0,5 թ.գ.
• Խմորի փխրեցուցիչ՝ 2 թ.գ.
• Կիտրոնի կեղեւ՝ 2 թ.գ.
• Դարչին ՝ 1 թ.գ.
• Կոճապղպեղ (աղացած)՝ 0,5 թ.գ.
• Հիլ՝ 1/4 թ.գ.
• Ջեմ՝ 400 գ:
Պատրաստման եղանակը
Դդումը նախ կտրատում ենք միջին չափի կտորների (որպեսզի ջեռոցում չչորանա) և եփում ենք ջեռոցի մեջ։
Փափուկ եփած դդումը հարում ենք բլենդերով մինչեւ ստացվի խյուս:
Առանձին օսլան բացում ենք ջրով և լավ խառնում։
Պատրաստի դդումի խյուսին ավելացնում ենք կիտրոնի կեղեւը, կտրատած ընկույզը, ձեթը և նախապատրաստած օսլան և լավ խառնում։
Ալյուրն անպայման մաղում ենք, խառնում փխրեցուցիչի հետ, ավելացնում մի քիչ աղ, շաքարավազ, վանիլին, դարչինը, կոճապղպեղը, հիլը և խառնում։
Դդմի զանգվածին մաս-մաս ավելացնում ենք բաղադրիչներով հագեցած ալյուրը և հունցում խմորը։ Կստացվի խիտ խմոր։
Խմորը դնում ենք թխվածքի թղթով պատված տարրայի վրա, հարթեցնում և դնում թխելու նախապես 180 աստիճան տաքացրած ջեռոցում՝ մինչև ստացվի ոսկե-դարչնագույն երանգ:
Սառեցված տորթի վրայից կտրում ենք անհարթ եզրերը։
Տորթը բաժանում ենք 2 մասի։
Տորթի մի կեսի վրա քսում ենք ջեմ և վերևից ծածկում երկրորդով կեսով։
Վերևի շերտի վրա ևս ջեմ ենք քսում և վրան ցանում տորթերի մնացորդներից ստացված փշրանքը։
Թողնում ենք մի քիչ ներծծվի, ցանկության դեպքում զարդարում ընկույզով, կտրատում և վայելում անուշաբույր խմորեղենը։
Բարի ախորժակ։
Աղբյուր’ LADYNEWS.am
