Մայոնեզը պատրաստի սոուս է, որը հիանալի համադրվում է գրեթե ցանկացած ուտեստի հետ: Հիմնական բաղադրիչներն են բուսական յուղը, քացախը և ձուն:
Տնական մայոնեզը համեղ է, խիտ, ունի հաճելի կրեմային կառուցվածք և փայլուն մակերես:
Բաղադրիչները․
— Բուսական յուղ՝ 200 մլ
— Մանանեխ՝ 1 թեյի գդալ
— Ձու՝ 1 հատ
— Աղ՝ ½ թեյի գդալ
— Շաքարավազ՝ 1 թեյի գդալ
— Քացախ 9%՝ 1 թեյի գդալ
Պատրաստման եղանակը
Բոլոր բաղադրիչները նախապես պետք է հանել սառնարանից և թողնել սենյակային ջերմաստիճանում. դրանք բոլորը պետք է նույն ջերմաստիճանի լինեն։
1. Տարայի մեջ լցնում ենք ձուն, մանանեխը, շաքարավազը, աղը և քացախը։
2. Բաղադրիչները խառնում եք բլենդերի միջոցով՝ միջին արագությամբ։ Խառնելիս համոզվեք, որ դեղնուցը հարված է՝ մինչև սպիտակ զանգված ստանալը։
3. Շարունակելով հարել, բարակ շիթով լցնում ենք բուսական յուղը և հարում մոտ 1 րոպե։
4. Խառնուրդը կսկսի խտանալ՝ մայոնեզը պատրաստ է։
Եթե մայոնեզը ձեզ չափազանց խիտ կթվա, այն նոսրացրեք փոքր քանակությամբ եռացրած սառը ջրով կամ կեֆիրով։
Եթե հետևեք տարրական կանոններին, միշտ լավ է ստացվում։ Գործընթացը տևում է հաշված րոպեներ։
Բայց եթե ինչ-ինչ պատճառներով մայոնեզը լավ չի ստացվել, մի շտապեք այն թափել կամ դեն նետել։ Կա լուծում։ Հեղուկ մայոնեզով տարան թողեք 1-2 ժամ։ Այս ընթացքում ձուն և յուղը կբաժանվեն։
Այնուհետև բլենդերն իջեցրեք մինչև հատակը և խառնեք։ Կարևորը բլենդերը ներքևում պահելն է, մինչև զգաք, որ մայոնեզը սկսում է խտանալ։
Հենց որ մայոնեզը սկսի խտանալ, աստիճանաբար բարձրացրեք բլենդերը և մայոնեզը հասցրեք ցանկալի խտության։
Բարի ախորժակ։
