Գրեթե յուրաքանչյուր տանտնտեսուհի, ով սիրում է խոհանոցում աշխատել, կյանքում գոնե մեկ անգամ պատրաստել է բրաունի: Այս աղանդերը այնքան մեծ ճանաչում է ստացել, որ ոչ մեկն այն այլևս չի համարում էկզոտիկ և անսովոր: Եվ այս ամենը այն պատճառով, որ այս թխվածքը հեշտ է պատրաստել:
Հիմնական բաղադրատոմսում գրված է, որ բրաունին պետք է ունենա հարուստ շոկոլադե համ և խոնավ մեջնամաս: Բացի այդ այն ունի ծիրանե շերտ և ընկույզ: Սակայն կա նաև այլ համեղ տարբերակներ:
Պատրաստելու համար անհրաժեշտ են․
— Սև շոկոլադ` 100գր
— Սերուցքային` կարագ` 120 գր
— Շաքարավազ` 150 գր
— Ձու` 4 հատ
— Ցորենի ալյուր` 150 գր
— Փխրեցուցիչ` 1թեյի գդալ
— Կաթնաշոռ` 300 գր
— Վանիլինին` 2 գր
— Բալ` 400 գր
— Աղ` մեկ պտղունց:
Պատրաստման եղանակը.
1. Շոկոլադը հալեցրեք սերուցքային կարագի հետ ջրային բաղնիքի վրա:
2. Այլ տարայում հարեք 2 ձու և 50 գր շաքարավազ: Ավելացրեք աղ և վանիլին:
3. Պատրաստեք կրեմը. խառնեք կաթնաշոռը 100 գր շաքարավազի և 2 ձվի հետ: Հարեք բլենդերով մինչև նուրբ զանգված ստանալը:
4. Շաքարավազով հարած հավկիթներին ավելացրեք հալեցրած շոկոլադը, այնուհետև ավելացրեք փխրեցուցիչը և մաղած ալյուրը: Խառնեք:
5. Վերցրեք բարձր պատերով kaxapa8 և վրան սերուցքային կարագ քսեք, լցրեք խմորի 1/3:
6. Հարթացրեք մակերեսը, վրան լցրեք կաթնաշոռային զանգվածի կեսը: Այնուհետև վրան հավասարաչափ տեղադրեք բալը:
7. Կրկին լցրեք խմորը, կաթնաշոռային զանգվածը, բալը և կրկին խմորը:
8. Տաքացրեք ջեռոցը մինչև 180 °C: Եփեք աղանդերը 40-50 րոպե:
9. Սպասեք թող սառի, հանեք կաղապարից:
Այն կարող եք մատուցել սուրճի կամ թեյի հետ: Բարի ախորժակ:
Աղբյուր` LADYNEWS.am
