ԱԺ նախագահ Ալեն Սիմոնյանն այսօր այցելել է Շիրակի մարզ։ Այս մասին հայտնում են մարզպետարանից:
Շիրակի մարզպետ Մուշեղ Մուրադյանի, ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Սիսակ Գաբրիելյանի, ԱԺ և Շիրակի մարզպետի աշխատակազմերի պատասխանատուների հետ Ալեն Սիմոնյանը եղել է «Լանջիկի միջնակարգ դպրոցում»։
Հյուրերը շրջել են դպրոցում, ծաղիկներ խոնարհել հայրենիքի համար կյանքը զոհաբերած հերոս հայորդիների «Փառքի անկյունում», այնուհետև հանդիպել մանկավարժական հանրույթին և դպրոցականներին, մասնակցել նրանց պատրաստած փոքրիկ միջոցառմանը։
ԱԺ նախագահը նշել է, որ խոստումը չի մոռացել և դպրոցականների հետ նախորդ հանդիպման ժամանակ ինչպես և ասել էր՝ եկել է տեսակցելու նրանց։
Դպրոցի աշխատակազմն ու աշակերտներն առանձնակի ոգևորությամբ են նշել, որ ուրախացել են ՀՀ կառավարության նախօրեի որոշմամբ, որով 20 մլն 855 հազար դրամ է նախատեսվել «Լանջիկի միջնակարգ դպրոցի» ջեռուցման համակարգի վերակառուցման նպատակին։
ԱԺ նախագահը, Շիրակի մարզպետն ու ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահն այնուհետ այցելել են «Գյումրու թիվ 19 հիմնական դպրոց», ծաղիկներ դրել Վազգեն Սարգսյանի հուշարձանին, հանդիպել, զրուցել դպրոցի ուսուցիչների և աշակերտների հետ, շրջել դպրոցում, ծանոթացել պայմաններին։
ԱԺ նախագահը երկու դպրոցներին էլ գրքեր և անհրաժեշտ ժամանակակից տեխնիկա է նվիրել։
https://www.facebook.com/SHIRAKREGIONALADMINISTRATIONRA/posts/664611309195061?ref=embed_post
