Վաղը՝ դեկտեմբերի 30-ին, Աստարայում նոր սահմանային անցակետ կբացվի Իրանի և Ադրբեջանի միջև։
Այս մասին հայտնում է apa.az-ը:
Սահմանային անցակետի բացման մասին հայտարարել է Իրանի ճանապարհների և քաղաքաշինության փոխնախարար Դարյուշ Ամանին։
«Վաղը Աստարայում երկու երկրների բարձրաստիճան պաշտոնյաների մասնակցությամբ տեղի կունենա Իրանի և Ադրբեջանի միջև սահմանային նոր անցակետի բացումը։ Առաջիկա 10 օրվա ընթացքում անցակետը կաշխատի բնականոն ռեժիմով»,- ասել է նա։
