Բացում ենք «համեղ» գաղտնիքները մեր սիրելի լեդիների համար. համոզված ենք՝ կարողանալու եք ստանալ այս նրբահամ քաղցրավենիքը:
45-50 հատ կոնֆետի համար անհրաժեշտ է’
130 գրամ մեղր
400 գրամ շաքարավազ
2 ձվի սպիտակուց
300 գրամ բոված գետնանուշ
250 գրամ շոկոլադ’ կաթնային, սպիտակ, սև. ընտրությունը Ձերն է:
Մեղրն ու շաքարավազը լցնել կաթսայի մեջ, ավելացնել 50 մլ ջուր: Դնել գազօջախին, միջին ջերմաստիճանով եփել մինչև եռալը: Եփում ենք մոտ 10 րոպե:
Պատրաստի օշարակը պետք է սառեցնել: Որպեսզի հասկանաք՝ ճիշտ պնդության է, թե ոչ, կատարեք այս փորձը 
Դրա համար Ձեզ պետք է սառը ջուր, որի մեջ կաթեցրեք օշարակից կաթիլներ: Դրանք պիտի հովանան’ շարունակելով մնալ փափուկ:
Մինչև օշարակը սառչում է, պատրաստում ենք բեզե:
Ավելացնում ենք օշարակը և շարունակում խառնել բեզեն մինչև ավելի ձիգ զանգված ստանալը: Հետո լցնում ենք բոված գետնանուշը և էլի խառնում:
Վերցնում ենք ջեռոցի թավան, վրան ամրացնում ալյումինաթուղթ, յուղում այն ու տարածում սպիտակուցային զանգվածը: Դնում ենք սառնարան և թողնում 1 ժամ :
Հանելուց հետո սառած նուգան կտրատում ենք փոքր կտորների և պատում նախապես հալեցրած շոկոլադով:
Աղանդերը դարձյալ դնում ենք սառնարան՝ այս անգամ համբերելով 30 րոպե:
Իսկ հիմա կարող եք վայելել: )
