Դաղստանում «Lada Priora»-ն, որի մեջ երեխաներ են եղել` ընկել է ջրանցքը, ուղևորներին փրկել են վերջին պահին: Այսօր կեսօրին Մախաչկալայի մերձակայքում գտնվող Սեմենդեր գյուղում դժբախտ պատահար է տեղի ունեցել: Միջադեպի մասին հայտնել է BAZA TG հեռուստաալիքը։
Հաղորդվում է, որ մեքենան վարել է MMA մարզիչը, իսկ ներսում եղել են նրա երեք սաները: Ըստ նախնական վարկածի՝ վարորդը կորցրել է կառավարումը, և Priora-ն ընկել է ջուրը։ Մարզիչն ու մեկ տղա կարողացել են ինքնուրույն դուրս գալ, սակայն երկու երեխաները մնացել են արգելափակված մեքենայի մեջ, որն արդեն սուզվել է ջրի տակ։
Օգնության են հասել ականատեսները՝ մի քանի տղամարդ ցատկել են սառցե ջուրը, իսկ երեխաները կարողացել են դուրս գալ մեքենայից՝ արդեն անգիտակից վիճակում։ Տուժածներն այժմ վերակենդանացման բաժանմունքում են։
