Անվերջ կարող եմ նայել երեք բանի․ բոցկլտացող կրակին, հոսող ջրին եւ նրան, թե ինչպես են Կրեմլի գործակալները տքնում վարկաբեկել ինձ՝ վրես «Կրեմլի գործակալ» շառը ֆոտոշոփով (թե՞ չատ ՋիՊիՏի-ով) նկարելու փորձերում։ 
Ուրեմն ճիշտ ճանապարհի վրա եմ ու լավ եմ համապատասխան տեղները մռմռացրել։
Իսկ թե ինչու հենց հիմա սկսեցին դա տարածել՝ կռահեք երեք անգամից )
Ամեն դեպքում, կխնդրեմ հետեւորդներիս մեսենջերով կիսվել հետս այն էջերը, որտեղ սա տեղադրած է (դեռ միայն նկարի սքրինշոթներն եմ ստանում)։ Եթե նկարի վրայի վերեւի ձախ կողմի լոգոյի տերերն են տարածողները, ապա արժի, որ դատի տամ․ լավ առիթ է սրանց ջրի երես հանելու։
Լրացում․ շնորհակալ եմ ֆեյսբուքյան հետեւորդներիս, ովքեր ուղարկեցին ինձ մի տեսանյութ, որում տեղադրված է այս կեղծ նկարը (ուղեկցող տեքստով, թե բա «համացանցը արձանագրում է ամեն ինչ») եւ որից պարզ է դառնում, որ իրոք այս կեղծիքի հեղինակը ԱԺԲ-ն էր, որի պաշտոնական էջերից մեկում էլ տեղադրվել է այդ տեսանյութը։ Ու քանի որ այս փնթի սարքված կեղծիքը բացահայտելը մեծ դժվարություն իրենից չի ներկայացնում, ապա որոշել եմ դիմել դատարան՝ ինձ զրպարտելու եւ վարկաբեկելու փորձի համար դրա հեղինակին/հեղինակներին պատասխանատվության ենթարկելու հայցով։
