ԱՄՆ գործող նախագահ Ջո Բայդենը առաջատար է Հյուսիսային Դակոտայում դեմոկրատների նախնական ընտրություններում։ Նա ստացել է քվեարկությանը մասնակցած ընտրողների 92,4 տոկոսի աջակցությունը։
Արդյունքները հրապարակվել են Դեմոկրատական կուսակցության տեղական կառույցի կայքում։
Associated Press-ը հայտնում է, որ քվեարկությունը տեղի է ունեցել հիմնականում փոստով։ Կուսակցությունը փետրվարին քվեաթերթիկներ է բաժանել այն ընտրողներին, ովքեր դիմել են: Քվեաթերթիկների վրա կար ութ անուն։
Հիշեցնենք, որ երկրի 45-րդ նախագահ Դոնալդ Թրամփը հաղթել է մարտի 4-ին Հյուսիսային Դակոտայում Հանրապետական կուսակցության նախնական ընտրություններում։ Նա ստացել է բոլոր 29 պատվիրակների ձայները։
Ջո Բայդենն ու Դոնալդ Թրամփն արդեն ապահովել են դեմոկրատական և հանրապետական կուսակցության կողմից նախագահի թեկնածու առաջադրվելու իրավունքը։ Քվեարկությունը տեղի կունենա նոյեմբերի 5-ին։
