Մայիսի 11-ին հրդեհ է տեղի ունեցել Երևանում: Ժամը 01:00-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարաման ազգային կենտրոն ահազանգ է ստացվել, որ հրդեհ է բռնկվել Արամի փողոցի թիվ 25 հասցեի հարևանությամբ գտնվող չշահագործվող շինությունում:

Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Երևանի թիվ 8 հրշեջ-փրկարարական ջոկատից 1 մարտական հաշվարկ:

Ժամանել են նաև ՀՀ ՆԳՆ ոստիկանության Պարեկային ծառայության Երևան քաղաքի գնդի 2-րդ գումարտակի պարեկները, ովքեր սահմանազատել են տարածքը, հրշեջներն էլ նախ կանխել են կրակի տարածումը, ապա մարել այն:

Հրդեհը, ըստ նախանական տեղեկությունների, բռնկվել է «Հայաստանի փոքրիկ երգիչների» շենքում:

Լուսանկարները՝ Գևորգ Ղազարյան

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2024/05/13/1261494?fbclid=IwZXh0bgNhZW0CMTEAAR1M6cdyWmPGvqtsDs-4b8b7T286S-NLQmcg-BktksiD-d9GYCTd5sLcIuM_aem_AYLf3rmEMRpTUte-MlpO9uMOeCBac_jUqbnalvDEmEMEHvG0GTxgle9cKjEBm9xlsXo57z3W3eeqbPMKht00fJhZ