Ռուսաստանի Դաշնության նախագահ Վլադիմիր Պուտինը Կզըլ քաղաքի դպրոցներից մեկում «Խոսակցություն կարևորի մասին» խորագրով բաց դաս է անցկացրել, որի ժամանակ աշակերտները երկրի նախագահին հարցեր են հղել նրա առօրյայի վերաբերյալ:
Այս մասին գրել են ռուսական լրատվամիջոցները:
Զրույցի ընթացքում նախագահին հարցրել են, թե այդքան լավ տեսք ունենալու համար քանի ժամ է քնում:
«Անհարմար է ստել, ես կասեմ այնպես, ինչպես կա: Բայց իմ օրինակը լավը չէ։ Իմ օրինակը այս առումով մի վերցրեք։ Այսօր ես քնել եմ, ասենք, չորս ժամ։ Սա բավարար չէ։ Ես սովորաբար քնում եմ վեց ժամ»,- պատասխանել է Պուտինը։
Նա հորդորել է աշակերտին քնել առնվազն ութ ժամ:
«Յուրաքանչյուր մարդ պետք է քննադատաբար վերաբերվի այն ամենին, ինչ անում է իր նկատմամբ և հետևություններ անի։ Ես կփորձեմ դա անել և ձեզ էլ եմ խորհուրդ տալիս»,- եզրափակել է Պուտինը։
