Իրանի Հարավային Խորասան նահանգում եռօրյա սուգ է հայտարարվել՝ ի հիշատակ ածխահանքում գազի պայթյունի հետևանքով զոհված հանքափորների:
Իրանի դատախազությունը հետաքննություն է սկսել Տաբասի ածխահանքում տեղի ունեցած պայթյունի առնչությամբ։
Պաշտոնական վերջին տվյալներով՝ պայթյունի հետևանքով զոհվել է 51 մարդ, վիրավորվել՝ 17-ը։
Հիշեցնենք՝ պայթյունը տեղի է ունեցել երեկ երեկոյան տեղական ժամանակով ժամը 21:00-ի սահմանում՝ Տաբասի ածխահանքի Madanjo ընկերության հանքավայրում, որտեղ աշխատելիս է եղել 69 մարդ: Ածխահանքը գտնվում է գետնի տակ 250 մետր խորության վրա և ունի 700 մետր երկարություն։
