«Դու կույր չես, դու ուղղակի չտեսնող ես։ Մենք քեզ կսովորեցնենք տեսնել ամեն ինչ, քան՝ տեսնող մարդիկ»։
Գյումրու դրամատիկականում մեծ պրեմիերա էր. հանդիսատեսի դատին հանձնվեց «Խավարի առաքյալները» հոգեբանական դրաման: Բեմադրությունը և երաժշտական ձևավորումը թատրոնի գեղարվեստական ղեկավար Լյուդվիգ Հարությունյանինն է:
Դրամատիկականի խաղացանկը հարստացրած նոր ներկայացումը բեմադրվել է Անտոնիո Բուերո Վալյեխոյի «Բոցավառ խավարում» պիեսի հիման վրա:
«Մասշտաբային նախագիծ է սա, որն իրականացվել է ԿԳՄՍՆ-ի հետ, դրամաշնորհային է նաև: Վերջին տարիներին այնպես է ստացվել, որ ես բավականին ծավալային աշխատանքներ եմ ներկայացնում հանդիսատեսի դատին: Նպատակային եմ ընտրել պիեսը, քանի որ մի քանի խոցելի խումբ կա, որոնց մասին կուզեի խոսել: Յուրաքանչյուր պիեսի ընտրությամբ դու պետք է ասելիք ունենաս, ու քո հերոսների լեզվով, նրանց միջոցով փորձես տեղ հասցնել այն բոլոր մտահոգությունները, որոնք ունես: Իմ մտահոգություններից մեկն այն է, որ մարդը երբեք չպետք է կորցնի իր հոգու լույսը, չընկճվի, պարտադիր կարողանա խավարից դուրս գալ»,- երկու գործողությամբ դրամայի միտքն է ներկայացնում Լյուդվիգ Հարությունյանը:
Ռեժիսորը նշում է՝ իր համար ստեղծագործական այս թիմը առանձնահատուկ է եղել բոլոր առումներով: Դերասանների 80 տոկոսն առաջին անգամ է բեմում՝ պրոֆեսիոնալների կողքին: Նկարիչը ևս նոր է՝ Հակոբ Պողոսյանի հետ առաջին համագործակցությունն է եղել: Բոլորի հետ բարդ ու պատասխանատու ճանապարհ են անցել, խոսել բավական զգայուն, ինչ-որ տեղ նաև ռիսկային թեմայից:
Ամբողջական նյութը՝
