Իրազեկում՝ դեկտեմբեր ամսվա տոնական և ոչ աշխատանքային օրերի մասին

«Տոների և հիշատակի օրերի մասին» օրենքը սահմանում է Հայաստանի Հանրապետությունում նշվող բոլոր տոնական և հիշատակի օրերը:

Ամանոր և Ծննդյան տոները նշվում են դեկտեմբերի 31-ից մինչև հունվարի 6-ը: Ոչ աշխատանքային օրեր են դեկտեմբերի 31-ը (կիրակի), հունվարի 1-ը (երկուշաբթի), 2-ը (երեքշաբթի) և հունվարի 6-ը (Սուրբ ծնունդ և հայտնությունը՝ շաբաթ):

Երկրաշարժի զոհերի հիշատակի և աղետներին դիմակայունության օր՝ նշվում է դեկտեմբերի 7-ին:

Ցեղասպանությունների դատապարտման և կանխարգելման օր՝ նշվում է դեկտեմբերի 9-ին:

Մարդու իրավունքների միջազգային օրը նշվում է դեկտեմբերի 10-ին:

Ազգային անվտանգության մարմինների աշխատողի օրը նշվում է դեկտեմբերի 20-ին:

Սուրբ Ծննդյան և Հայտնության տոնին հաջորդող` Մեռելոց հիշատակի օրը նշվում է հունվարի 7-ին, ոչ աշխատանքային օր է:

Բանակի օրը նշվում է հունվարի 28-ին, ոչ աշխատանքային օր է:

Եկեղեցական տոներ

Սուրբ Ծննդյան պահքի Բարեկենդանն անփոփոխ նշվում է դեկտեմբերի 29-ին։