Առողջապահական և աշխատանքի տեսչական մարմնի ղեկավար Սլավիկ Սարգսյանի գլխավորությամբ 2026 թվականի հունվարի 08-ին տեղի է ունեցել տարվա առաջին աշխատանքային քննարկումը՝ Աշխատանքային օրենսդրության վերահսկողության ոլորտի վերաբերյալ։
Մասնակցել են Տեսչական մարմնի ղեկավարի տեղակալ Վահագն Գրիգորյանը, տարածքային կենտրոնների պետերը՝ մասնագիտական բաժնի պետերի հետ, իրավական աջակցության և փաստաթղթաշրջանառության վարչության պետն ու բաժնի իրավաբան։
Քննարկվել են աշխատանքային օրենսդրության վերահսկողության ոլորտի խնդիրները, դատական ու վարչական բողոքների արդյունքում արձանագրված բացթողումներն ու դրանց լուծման հնարավոր ուղիները։
Սահմանվել են 2026 թվականի վերահսկողական աշխատանքների իրականացման հիմնական և արդյունավետ ուղղությունները, վարչարարության իրականացման նոր մեխանիզմները և ձևաչափերը։
Տեսչական մարմնի ղեկավարի կողմից տրվել են հանձնարարականներ։
