Գործարար նեթվորքինգ | Մասիս 2026. Սեպտեմբերի 19-ին Արարատի մարզի Մասիս համայնքում տեղի ունեցավ «Գործարար նեթվորքինգ | Մասիս 2026» հանդիպումը։
Մեկ հարթակում համախմբվեցին Մասիսից, Արարատի մարզից, Երևանից և այլ վայրերից ժամանած գործարարներ, մասնագետներ ու ոլորտի ներկայացուցիչներ։
Օրվա ընթացքում խոսեցինք մարքեթինգի, տուրիզմի, ագրոբիզնեսի, նեթվորքինգի, արհեստական բանականության և անշարժ գույքի շուկայի մասին։
Մասնագիտական ելույթներից և պանելային քննարկումից բացի, կարևոր տեղ հատկացվեց անմիջական շփմանը՝ նոր ծանոթություններին, փորձի փոխանակմանը և հնարավոր համագործակցությունների քննարկմանը։
Մեզ համար այս նախաձեռնության կարևոր նպատակներից է Մասիսում և տարածաշրջանում ակտիվ գործարար միջավայրի ձևավորումը՝ այն կապելով Հայաստանի այլ քաղաքների և բիզնես համայնքների հետ։
Շնորհակալություն բոլոր մասնակիցներին, խոսնակներին, պանելիստներին և գործընկերներին, ովքեր միացան նախաձեռնությանը։
Սա առաջինն էր։ Շարունակելու ենք։
Գեղեցիկ ֆոտոշարքի համար հատուկ շնորհակալություն ենք հայտնում On Level Studio — ին:
