Իսրայելական բանակը հայտարարել է ՀԱՄԱՍ-ի լիակատար ոչնչացման փուլին անցնելու մասին։
Այս մասին ասել է Իսրայելի պաշտպանության բանակի կոնտրադմիրալ Դանիել Հագարին։
Նրա խոսքով, այն բանից հետո, երբ Իսրայելի պաշտպանության բանակը վերականգնել է վերահսկողությունը երկրի տարածքի վրա, ՀԱՄԱՍ-ից պաղեստինյան արմատականների դեմ ռազմական գործողությունը մտել է հարձակողական փուլ։
Հաղորդվում է, որ իսրայելական բանակը հարյուրավոր ահաբեկիչների է ոչնչացրել Գազայի հատվածին մոտ գտնվող շրջաններում:
Իսրայելի պաշտպանության նախարար Յոավ Գալանտն էլ հայտարարել է, որ հրաման է արձակել Իսրայելի կողմից Գազան ամբողջությամբ շրջափակելու մասին:
«Ես հրամայել եմ ամբողջությամբ շրջափակել Գազայի հատվածը, չի լինելու էլեկտրականություն, սնունդ, վառելիք, ամեն ինչ փակ է»,- ասել է նախարարը։
