Ֆուտբոլի կանանց ՈւԵՖԱ Ազգերի լիգայի ընտրական մրցաշարի C լիգայի երրորդ տուրում Հայաստանի հավաքականը Երեւանի Վազգեն Սարգսյանի անվան «Հանրապետական» ստադիոնում ընդունեց Էստոնիայի հավաքականին եւ պարտություն կրեց 1:4 հաշվով։
Հայաստանի թիմից միակ գոլը 70-րդ րոպեին խփեց հարձակվող Անի Ղուկասյանը։
Հայաստանի եւ Էստոնիայի հետ չորրորդ խմբում ընդգրկված են նաեւ Ղազախստանի եւ Իսրայելի հավաքականները։
Առաջին խաղում Հայաստանի թիմը 1:2 հաշվով պարտվել էր Ղազախստանի թիմին, որը 4 միավորով գլխավորում է մրցաշարային աղյուսակը։ Առաջին խաղում ղազախները 0:0 հաշվով ոչ ոքի էին խաղացել Էստոնիայի հետ։
Հոկտեմբերի 31-ին Հայաստանի թիմը երկրորդ հանդիպումը կանցկացնի էստոնացիների դեմ։
