Թուրքիայի նախագահ Ռեջեփ Թայիփ Էրդողանը Իսրայելն անվանել է «ահաբեկչական պետություն»։
«Իսրայելը ահաբեկում է Գազայի հատվածը, Իսրայելը ահաբեկչական պետություն է»,- չորեքշաբթի օրը, ելույթ ունենալով Թուրքիայի խորհրդարանում, ասել է Էրդողանը։
Հոկտեմբերի 7-ին Իսրայելը ենթարկվել է աննախադեպ մասշտաբի հրթիռային հարձակման Գազայի հատվածից «Ալ-Աքսա ջրհեղեղ» գործողության շրջանակներում, որը հայտարարել է պաղեստինյան ՀԱՄԱՍ շարժման ռազմական թևը։
Ի պատասխան՝ Իսրայելի պաշտպանության ուժերը Գազայի հատվածում ՀԱՄԱՍ-ի դեմ սկսել են «Երկաթե սրեր» գործողությունը։
