Մերձմոսկովյան էլեկտրաստալայում Wildberries Marketplace-ի պահեստից մոտ 150 մարդ է տարվել։ Այս մասին հայտնում է Shot-ը։ Տեղեկությունը փոխանցում է gazeta.ru-ն։
Բոլոր քաղաքացիներին տեղավորել են չորս հատուկ ավտոբուսներում։ Իրավապահները ձերբակալվածներին համարում են ժամկետային ծառայությունից հնարավոր խուսափողներ կամ միգրացիոն օրենսդրությունը խախտողներ:
«Բոլոր տղամարդկանց մոտ ստուգել են փաստաթղթերը, այդ թվում՝ զինվորական տոմսերը, ինչից հետո խուսափողներին ուղարկել են հատուկ ավտոբուսներ, որոնցով նրանց կտեղափոխեն ոստիկանության բաժին»,- ասվում է հրապարակման մեջ:
Ստուգման արդյունքում 16 օտարերկրացի է ձերբակալվել միգրացիոն օրենսդրությունը խախտելու համար։ Նրանց պարտավորեցրել են տուգանքներ վճարել, երեքին երկրից կարտաքսեն։
Ավելի վաղ Մերձմոսկվայում Wildberries-ի աշխատակիցները պահեստից գողացել էին հինգ միլիոն ռուբլի արժողությամբ ապրանքներ:
