Վրաստանում սողանքի զпհերի թիվը հասել է 29-ի

Վրացի փրկարարները սողանքի հետևանքով զոհված ևս մեկ մարդու մարմին են հայտնաբերել բարձրլեռնային Ռաչայի երկրամասի Շովի հանգստավայրում։

Տարերքի զոհերի ընդհանուր թիվը հասել է 29-ի:

Այս մասին հաղորդել է Վրաստանի ՆԳ նախարարության մամուլի ծառայությունը։

«Օնի մունիցիպալիտետի աղետի գոտում իրականացվող որոնողական աշխատանքների ընթացքում փրկարարները հայտնաբերել են ևս մեկ մարմին։ Այս պահի դրությամբ աղետի գոտում գտել են 29 մարմին, շարունակվում է ևս չորս մարդու որոնումը»,- ասված է հաղորդագրության մեջ։

Շովիում մասշտաբային սողանքը տեղի է ունեցել օգոստոսի 3-ին: Վնասվել են կամուրջներ, ճանապարհներ, տուրիստական քոթեջներ և «Սանսեթ Շովի» հյուրանոցը։

Ըստ նախնական տվյալների՝ սարերից իջել է ավելի քան 5 մլն խորանարդ մետր բնահող։ Աղետի վայրի ընդհանուր մակերեսը կազմել է 26 հա։

Կիսվել սոց․ ցանցերում