«Ալ-Նասրի» 38-ամյա հարձակվող Կրիշտիանու Ռոնալդուն իր հավաքածուին ևս մեկ մրցանակ կավելացնի: Goal-ը հայտնում է, որ պորտուգալացի խաղացողը կստանա տարվա լավագույն ռմբարկուի համար նախատեսված Մարադոնայի մրցանակը հունվարի 19-ին կայանալիք Դուբայի Globe Soccer Awards 2023 մրցանակաբաշխության ժամանակ:
2023 թվականին «Ոսկե Գնդակի» 5-ակի հաղթողը 2023 թվականին 54 գոլ է խփել «Ալ-Նասրի» և Պորտուգալիայի հավաքականիր կազմում: Ռմբարկուական մրցավազքում պորտուգալացի հարձակվողն առաջ է անցել այնպիսի խաղացողներից, ինչպիսիք են ՊՍԺ-ի հարձակվող Կիլիան Մբապեն (52 գոլ) և «Բավարիայի» հարձակվող Հարի Քեյը (52), ինչպես նաև «Մանչեսթեր Սիթիի» նորվեգացի հարձակվող Էրլինգ Հոլանդին:
Նշենք՝ դեկտեմբերին Ռոնալդուն ստացել է Սաուդյան Արաբիայի պրոֆեսիոնալ լիգայի՝ ամսվա լավագույն խաղացողի մրցանակը՝ 5 խաղում դառնալով 5 գոլի և 3 գոլային փոխանցման հեղինակ:
Այս մրցաշրջանում պորտուգալացին 20 գոլ է խփել և 9 գոլային փոխանցում է կատարել Սաուդյան Արաբիայի Արաբիայի առաջնության 18 խաղում:
