Ադրբեջանի պատվիրակությունը դադարեցրել է համագործակցությունը ԵԽԽՎ-ի հետ՝ ի նշան բողոքի։
Ադրբեջանցի պատվիրակները պնդում են, թե իբր թե երկրի նկատմամբ երկակի ստանդարտներ են կիրառվում։
«ԵԽԽՎ-ում առկա ռասիզմի, ադրբեջանաֆոբիայի և իսլամաֆոբիայի ներկայիս անտանելի մթնոլորտի պայմաններում ադրբեջանական պատվիրակությունը որոշում է դադարեցնել իր համագործակցությունն ու ներկայությունը ԵԽԽՎ-ում մինչև հետագա ծանուցումը»,- ասվում է պատվիրակության հայտարարության մեջ, որը վկայոկոչում են այդ երկրի ԶԼՄ-ները։
Հիշեցնենք, որ ձմեռային նստաշրջանի մեկնարկին ԵԽԽՎ-ն սկսել էր մի ընթացակարգ, որով նախատեսվում էր պատժամիջոցներ կիրառել Ադրբեջանի պատվիրակության նկատմամբ, ընդհուպ՝ ձայնի իրավունքից զրկելը։
Որոշումը պայմանավորված էր Բաքվի կողմից Ադրբեջանում կայանալիք արտահերթ նախագահական ընտրություններին ԵԽԽՎ դիտորդներ չհրավիրելու հետ։
