Եվրամիությունը ցնցված և ապշած է «Կրոկուս Սիթի Հոլ»-ում ահաբեկչական հարձակման մասին հաղորդագրություններից, դատապարտում է ցանկացած հարձակում քաղաքացիական անձանց վրա և ցավակցություն է հայտնում Ռուսաստանի քաղաքացիներին։
Այս մասին X-ում գրել է Եվրամիության արտաքին քաղաքական ծառայության պաշտոնական ներկայացուցիչ Պետեր Ստանոն:
Ավելի վաղ հայտնել էինք, որ հրաձգություն էր տեղի ունեցել Մոսկվայի Crocus City Hall-ում։ Երեք անձինք կրակ են բացել, կան վիրավորներ։
Ըստ ռուսական լրատվամիջոցների, Մոսկվայի Crocus City Hall-ում տեղի ունեցած ահաբեկչության հետևանքով առնվազն 40 մարդ է զոհվել, ավելի քան 100-ը՝ վիրավորվել։
Ավելի վաղ՝ մարտի 8-ին, Ռուսաստանում ԱՄՆ դեսպանատունը իր քաղաքացիներին զգուշացրել էր Մոսկվայում առկա ահաբեկչական սպառնալիքի մասին։
