Իրանի փոխնախագահը հայտնել է 2 ուղևորի հետ կապ հաստատելու մասին:
Այս մասին գրում է IRNA-ն:
Միաժամանակ, ուղղաթիռին փրկարարների հասնելու մասին լուրերը հերքվում են Իրանի Կարմիր մահիկի ընկերակցության կողմից:
Եղանակային պայմանների պատճառով օդային որոնումը դադարեցվել է։
Ինչպես հայտնել էինք՝ ըստ լրատվամիջոցների, Իրանի նախագահ Էբրահիմ Ռաիսիին տեղափոխող ուղղաթիռը կոշտ վայրէջք է կատարել Իրան-Ադրբեջան սահմանի մոտ։
Մինչ այս պահը հայտնի չէ ուղղաթիռում գտնված նախագահի, արտգործնախարարի ճակատագիրը։
Reuters-ի զրուցակիցը հայտնել է, որ Ռաիսիի և արտգործնախարար Հոսեյն Ամիրաբդոլլահյանի կյանքը վտանգի տակ է ուղղաթիռի կործանումից հետո:
«Մենք դեռ հուսով ենք, բայց կործանման վայրից ստացվող տեղեկությունները շատ մտահոգիչ են»,- ասել է պաշտոնյան՝ անանուն մնալու պայմանով։
