ԱՄՆ նախագահ Դոնալդ Թրամփը ենթադրել է, որ կկարողանա արագ համաձայնության գալ Ռուսաստանի հետ ուկրաինական ճգնաժամի կարգավորման հարցում։
«Կարծում եմ՝ մենք կարող ենք դա արագ անել», – Fox News-ին տված հարցազրույցում ասել է Թրամփը՝ խոսելով Մոսկվայի հետ շփումների մասին։
ԱՄՆ նախագահի խոսքով՝ միայն ինքը կարող է լուծել այս խնդիրը։
«Կարծում եմ՝ միայն ես կարող եմ դա անել՝ հաշվի առնելով իմ զբաղեցրած պաշտոնը», – ասել է Թրամփը։
Միաժամանակ նա բարձր է գնահատել իր հատուկ դեսպանորդ Սթիվ Ուիթքոֆի աշխատանքը, ով բազմիցս կապ է հաստատել Ռուսաստանի ղեկավարության հետ։
«Սթիվը հիանալի աշխատանք է կատարել։ Դա դժվարին աշխատանք է», – ասել է Թրամփը։
Ամերիկացի առաջնորդը կրկին հայտարարել է Ռուսաստանի նախագահ Վլադիմիր Պուտինի հետ հանդիպում ունենալու իր պատրաստակամության մասին։
«Մենք պետք է հանդիպենք։ Կարծում եմ՝ կարող ենք ամսաթիվ նշանակել», – շեշտել է Թրամփը։
