Վիեննայի Կիրառական արվեստի թանգարանից (MAK) գողացել են Եգիպտոսի թագուհի Նազլի Սաբրիին պատկանող արժեքավոր վզնոցը, որի գինը վերջին աճուրդում գնահատվել էր շուրջ 4,3 միլիոն դոլար։
Ֆրանսիական «Van Cleef & Arpels» ոսկերչական տան կողմից պատրաստված այս բացառիկ զարդը զարդարված է ավելի քան 200 կարատ ընդհանուր քաշով 673 ադամանդներով։
Թանգարանի փոխանցմամբ՝ միջադեպը տեղի է ունեցել ցուցահանդեսի ընթացքում, և, բարեբախտաբար, ոչ ոք չի տուժել։ Ոստիկանության տվյալներով՝ երկու անհայտ անձինք թանգարանի աշխատանքային ժամերին կոտրել են ցուցափեղկը, հափշտակել վզնոցն ու դիմել փախուստի։
Իրավապահ մարմիններն արդեն հրապարակել են տեսախցիկների արձանագրած լուսանկարները, որտեղ երևում են մուգ հագուստով երկու կասկածյալները։
