Դերասան Գոռ Հակոբյանն իր սոցցանցի էջում հայտնել է, որ տեղի է ունեցել որդու՝ Ֆելիքսի երկար սպասված վիրահատությունը։
«Օգոստոսի 24-ին 5 ժամից ավել տևած վիրահատությունն անցավ ըստ բժիշկների պլանավորածի: Ոտքի ոսկորից (Fibula) հեռացվեց 20սմ և Աստծո կամքով պահպանվեցին բոլոր կարևոր նյարդերը, որոնք պատասխանատու են մարդու քայլելու համար: Առջևում 9-12 ամիսների ընթացքում նորից քայլել պետք է սովորենք և ևս 5 քիմիաթերապիայի կուրսեր: Այս պահին Ֆելոն իրեն լավ է զգում »,- գրել է դերասանը։
Հիշեցնենք, որ մարտի 10-ին Գոռ Հակոբյանը հայտնել էր, որ որդու մոտ ախտորոշվել է Յուինգի սարկոմա։ Մոսկվայում անցկացված բազմաթիվ հետազոտություններից հետո հիվանդությունը հաստատվել էր, ինչից հետո ընտանիքն սկսել էր բուժման ընթացքը։
