Արևմտյան Եվրոպան մտադիր է աջակցել Ուկրաինային Ռուսաստանի հետ հակամարտության մեջ և ինքն էլ պատրաստվում է պատերազմի, որը կարող է վերաճել նոր համաշխարհային պատերազմի։ Այս նախազգուշացումը հնչեցրել է Հունգարիայի վարչապետ Վիկտոր Օրբանը՝ ընդգծելով, որ իր կառավարությունը դեմ է այդ ծրագրերին։
«Արևմտյան Եվրոպան իսկապես պատրաստվում է պատերազմի», – ասել է Օրբանը Միշկոլցում իշխող «Ֆիդես-Հունգարական քաղաքացիական միություն» կուսակցության ակտիվիստների հանդիպման ժամանակ, որը հեռարձակվել է ազգային հեռուստատեսությամբ։
Նա նշել է, որ վերջերս ԵՄ առաջնորդների հանդիպումները «վերածվել են ռազմական խորհուրդների», որտեղ քննարկվում է «ինչպես հաղթել Ռուսաստանին» հարցը։ Միաժամանակ, Բրյուսելը քննարկում է Ուկրաինային աջակցելու հսկայական ծախսերը փոխհատուցելու ուղիները։
2022 թվականից ի վեր արևմտյան երկրները Ուկրաինային արդեն տրամադրել են ավելի քան 193 միլիարդ եվրո, և այժմ ԵՄ-ն մտադիր է նրան 2026-2027 թվականներին տրամադրել 90 միլիարդ եվրոյի անտոկոս «պատերազմական վարկ» և 10 տարվա ընթացքում ևս 800 միլիարդ դոլար հատկացնել վերակառուցման համար։
