Հայաստանի ԱԳ նախարար Արարատ Միրզոյանը ժամանել է ԵՄ ԱԳ նախարարների և Արևելյան գործընկերության երկրների ԱԳ նախարարների հանդիպմանը։
Միրզոյանը լրագրողների հետ ճեպազրույցում ասել է, որ հանդիպումը լավ հնարավորություն է խոսելու ԵՄ-Հայաստան հարաբերություններից, և ապագա անելիքներից։
«Ուրախ եմ գտնվել այստեղ՝ ԵՄ ԱԳ նախարարների խորհրդի նիստին։ Սա մեծ պատիվ է ինձ համար, նաև լավ հնարավորություն խոսելու Հայաստանի մարտահրավերների և հնարավորությունների մասին։ Սա նաև լավ հնարավորություն է կիսվելու ԵՄ-Հայաստան հարաբերությունների խորացման մոտեցումներով, արդեն արված ու ապագա քայլերը քննարկելու համար»,- ասել է Միրզոյանն ու հավելել, որ հանդիպումը նաև լավ հնարավորություն է Եվրամիությանը երախտագիտություն հայտնելու՝ մեր երկրում ժողովրդավարական բարեփոխումներին աջակցելու համար:
«Քննարկելու ենք նաև Լեռնային Ղարաբաղի փախստականների կարիքները, Հարավային Կովկասում խաղաղության գործընթացին ԵՄ աջակցությունն ու ապագա անելիքները, իչպես նաև Ադրբեջանի հետ մեր հարաբերությունների կարգավորման հասնելու ուղիները»,- նշել է Միրզոյանը:
