ԿԳՄՍ նախարարությունն ինտենսիվ աշխատում է Լեռնային Ղարաբաղի մշակութային ժառանգության պահպանության հարցի շուրջ:
Այս մասին տարեվերջյան ամփոփիչ մամուլի ասուլիսի ժամանակ այսօր հայտարարել է ԿԳՄՍ նախարար Ժաննա Անդրեասյանը:
«ԱԳՆ գործընկերների հետ մի ամբողջ գործողությունների պլան ունենք, թե ինչպես ենք իրականացնելու ԼՂ տարածքում մնացած մշակութային ժառանգության պահպանության հարցը»,- նշել է նա։
Նախարարը հայտնել է, որ ԼՂ տարածքում մնացած նյութական և ոչ նյութական մշակութային արժեք ունեցող ժառանգությունը գույքագրվել է, և ամբողջացվել է տվյալների բազան:
«Գույքագրում ենք նաև վանդալիզմի դեպքերը և դրանք ինտեսիվ փոխանցում բոլոր հնարավոր միջազգային գործընկերներին: Էլեկտրոնային շտեմարաններ, կայքեր են ստեղծվում, նախատեսվում են ցուցահանդեսներ, համաժողովներ և՛ Հայաստանում, և՛ արտերկրի տարբեր հարթակներում»,- ասել է ԿԳՄՍ նախարարը:
