Նիագարա ջրվեժով անցնող կամուրջը, որը գտնվում է ԱՄՆ-Կանադա սահմանին, փակվել է տեղի անցակետում մեքենայի հետ տեղի ունեցած միջադեպից հետո, հայտնում է ABC News-ը:
«Նիագարայի ջրվեժի «Ծիածան» կամուրջը երկու ուղղություններով փակ է ԱՄՆ մեկնող մեքենայի հետ կապված միջադեպի պատճառով», — նշում է լրատվամիջոցը:
Իշխանությունները հետաքննում են միջադեպը: Ականատեսները տեսանյութ են հրապարակում սահմանային անցակետի տարածքից: Կադրերում երևում է ծուխ:
«Տեղի է ունեցել ինչ-որ պայթյուն, դեպքի վայրում են զգալի թվով իրավապահներ»,- ասվում է հեռուստաալիքի հաղորդագրության մեջ։
Հաղորդվում է, որ Հետաքննությունների դաշնային բյուրոն հաստատում է ԱՄՆ-ի և Կանադայի միջև Նիագարայի ջրվեժի կամրջի վրա մեքենայի պայթյունը:
